Pynkup burom ka UDP Mylliem

Shillong,15 Risaw:
Ka UDP UDP Mylliem Constituency Womens’Wing ka la pyntip sha ki samla pule kiba shong ba sah hapoh u pud u sam jong ka Mylliem Constituency kata naduh lawsohtun sha duh Mylliem bad ka thain Mawreng sharum kiba pass ia ka kyrdan 1st Division ha ka SSLC,ICSE,CBSE Exam 2013 ba kan pynlong biang ia ka jingpynkup burom kata ka ’ 2nd Academic Award 2013’ ha ka 19 tarik mynta u bnai ha Albera Memorial Hall 3mer Upper Shillong ha ka por 11.00 baje Mynstep. Ka seng ka la kyrpad ia baroh kito ki samla pule ba la pynpoi ia ki kyrteng ba kin sngewbha ban poi ha katei ka sngi ha ka por kaba biang .Ha katei ka sngi u bah Titos Chyne MLA un long kum u Kongsan.