Pynkup burom ka tnat Pulit ia 104 ngut ki Pulit kiba la pyndep ia ka jingshah hikai ha 6th Battalion Umran

Nongpoh, 09 Naitung: Shibynta na ka jingleh burom ia ki pulit constable bad kiba la pyndep ia ka jinghikai na Armed Police Training Center jong ka 6th Battallion kaba don ha Umran, ka tnad pulit jong ka jylla, hynne ka sngi ki la pynkup burom ia ki 104 ngut ki pulit, kiba la pyndep ia katei ka jinghikai ha ka Passing Out Parade jong ki 4th Batch Unarmed Branch Recruit Constables ha Umran.

Ha katei ka Passing Out Parade la wan ban sakhi da ka Kong Idashisha Nongrang, Director General of Police (DGP) ha ka sorkar jylla, kaba la long kum ka kongsan, ha ryngkat ka jingdon kiwei de ki heh ophisar pulit, ki kmie ki kpa jong kitei ki pulit lem bad kiwei.

Na kitei ki 104 ngut ki pulit constable, ki la don kiba la ioh ia ki khusnam ruh sha kito ki pulit kiba la wan shakhmat haka por ba ki pyntbit ialade ba ha ki kyrdan bapher bapher.