Pynkup burom ka Laitumkhrah ia ka kong Ampareen

Shillong,24 Risaw:
Ka Myntri ka tnad kam sor- Urban Affairs ka sorkar jylla ka kong Amparenn Lyngdoh mynta ka sngi ka la shah pynkup burom ha ka Dorbar Shnong Laitumkhrah Pyllun ha kaba u Rangbah Shnong katei ka shnong u la pynkup burom ia ka namar ka jingioh kyrdan Doktor (doctorate degree ) ha ka Convocation ka NEHU kaba long dang shen.
Ha katei ka jingpynkup burom ia ka kong Ampareen la pynkup burom ruh ia ki samla pule katei ka shnong ha kaba ia katei ak jingpynkup burom la tip kum ka Kiew Shaphrang award 2013 ba la pynlong ha Don Bosco Youth Centre.
Haba kren ha katei ka jingialang ha katei ka sngi, ka kong Ampareen ka la ai khublei ia ka Dorbar shnong kaba la lah ruh ban pynkup burom ia ki khynnah skul manla u snem. Ka la pynkynmaw ruh ia ki sngi ka jinglong khynnah jong ka ha ka por ba dang leit skul hakaba ka la ong ba ki kmie ki kpa jong ka kim ju shah ia ka ban leit Tution namarba ki shim ba ki la phah pule ia ka ha ki skul kiba biang kam donkam shuh ban dang leit Tuition bad ka shong ha ka jingtrei shitom jong ka hi.
Ka kong Lyngdoh ka la kyntu ruh ia ki khynnah skul ba kin pynleit jingmut ha ki jingpule jong ki bad ai ba ki kmie ki kpa jong ki kin sarong namar ka jingjop jong ki, ka la ong ruh ba ki kmie ki kpa ki dei ban ai mynsiem ia ki khun jogn ki ba kin kiew shaphrang ha ka jingpule jong ki.