Pynkup burom ka KSU WJHDU, ia ka samla pule ba ioh ia ka kyrdan ba ha khliehduh ha ka HSSLC

Shillong: Mynhynnin ka sngi, ka 30tarik Jymmang 2023, ka Khasi Student Union (KSU) West Jaintia Hills District Unit ha ka jing ialam u samla Leningrad Tariang General secretary, Conard Sana Education secretary Jowai Circle, ha ka jing iadon lang ka Samla Ladaplin Haiong President Girls Wing War Jaintia Circle ha ryngkat bad ki katto katne ki dkhot ki la pynkup burom ia ka samla Larisa Lamin ba ioh ia ka kyrdan ba ha khliehduh ha ka examination ba la pynlong da ka MBOSE mynta u snem ha ka HSSLC Art Stream ha ka skul Northeast Adventist University.

Ha shwa ban pynkup burom ladon ka jing ialang ba lyngkot ba la pyniaid da ka Principal jong ka Northeast Adventist University haba ai jing kren u Leningrad Tariang, u la ong ka seng ka dap da ka jing kmen haba ioh jing tip ba iaka kyndan ba ha khmat duh jong ka list la ioh rah daka Jaidbynriew Khasi katno ngi dap daka jing sngewsarong iala ka jong ka Jaidbynriew ba labun tylli ki snem la ioh ia kane ka kyrdan da ki bymdei na ka Jaidbynriew Khasi, hynrei kat dang mih ki sngi la iohi ba ka Jaidbynriew, ka sdang ban kiew ha ka pule puthi. U Bah Leningrad, ula ong shuh “Haba phi ioh kum kine ki kyrdan phim dei ban sngew hangamei dei ban dang iai trei shitom u la ong ruh ba ka thong jong ka jingnang jingstad hi ka dei ka jingsaindur ia ka jinglong jingim babha, ula bynrap haba ngi don ka jing nang jing stad ngi dei ban don ruh ka mynsiem ban ieid ia ka Ri bad ka Jaidbynriew bad buh ia ka thong kumno ban saindur iaka lawei jong Jaidbynriew Khasi jong ngi, bad ban im ha ka jing im babha”.

Une u nongialam ula kyntu ruh ia baroh ki samla pule jong ka District ba kin leh bha ha ki jingpule jong ki ha ki kyrdan bapher bapher bad ka seng ka khmih lynti ruh ba kin dang mih shibun ki samla, ki ban wan sha khmat duh haki jingpule jong ki, namar kane ka jingioh ba hakhmat duh jong ka samla Larisa ha ka HSSLC exam ka wan rah ka burom ym tang ia ki kmie ki kpa ne ia ka skul ba ka pule, hynrei ka dei ka burom jong baroh kawei ka District bad ruh ia ka Ri bad ka jaidbynriew khasi baroh kawei, ong ka kyrwoh Khubor na u Samla Juhhi Tariang Publicity KSU WJHDU.