Pynkup burom ka KSU Laban ia ka Kong Wansuk

Shillong, 7 Jylliew:
Ka KSU Laban Circle ka la pynkup burom ia kong Wansuk Myrthong kaba lah wanrah ka burom ym tang ia ka iing ka shnong ka thaw hynrei ia ka ri bad ka jait bynriew ha da kaba lah ban kiew shaduh u kliar lum Makashang (Mount Everest) u lum uba jrong tam ha pyrthei.
Ia kane ka jingpynkup burom, la pynlong hynne ha Laban Police Station kum ka jingsngew sarong ia kane ka thei jong ka jaitbynriew. “Ka seng ka sngew sarong ia ka Kong Wansuk Myrthong bad kan long kum ka nuksa ban ai mynsiem ruh ia kiwei ruh ki khun samla ba kin trei shitom naduh mynsiem ha kano kano ka kam kaba ki thmu ban leh nad pyndep khnang ban poi sha ka thong jong ka jingjop.
Ka seng ka kitbok kit rwiang ia ka Kong Wansuk ba kan nang don ha ka met kaba shait kaba khlain bad nang lah ban trei shitom ha kino kino ki bynta ba lah bynshet ha i.
Ha kawei pat ka liang ka seng ka sngew bynniaw ia ka jingbym shim khia ka sorkar ban pdiang burom ia ka jingjop bad ka burom kaba ila wanrah lyngba ki jingeh kaba ka iakynduh. Ka kyrdan kaba ka dang shu ioh na ka police department kum ka Asst Sub-inspector kam pat kot satia khyndiat ruh bad ka jingtrei shitom ka jongka ha kaban wanrah burom ia ka jylla.