Shillong: Ka Khasi Students’ Union Sports Committee EJHDU, ka la pynkup burom, ia u Samla Eleven Dkhar u ba dei na ka Shnong Tuber East Jaintia Hills District.
Ha kane ka jingpynkup burom la ia don ryngkat lang ki Nongkitkam Shnong ka Tuber Kmai Shnong naduh u Rangbah Shnong, Secretary Shnong bad kiwei kiwei ki nongkit kam Shnong bad ki ba ha iing ha sem jong u Samla Eleven Dkhar bad na ka liang jong ka Seng la leit iaidkhmat da u Chairman ka Sports Committee ka Seng u Samla Shwari Ryngkhlem bad ha ka jingiadon u Deiniwan lyngdoh Organizing Secretary KSU EJHDU bad U Phulmi Dkhar Asst. Secretary KSU Wapung Unit. U ne u Samla u la ioh khur ia ka Takma Ksiar, Takma Rupa bad Takma Rnong ha ka 2nd North East Olympic Game 2022 kaba long ha jylla.
Ka Sports Committee ka sngewkmen bad sngew sarong ia u ne u Samla u ba wan rah nam bad burom ia ka District bad ia ka jylla.
Ka Seng ka kitbok kitrwiang ia baroh ki samla, ia kane ka District kiba ia shim bynta ha ka 2nd North East Olympic Games 2022 bad ki nangtrei shitom bad kin nangkiew sha khmat ha ka kam ialehkai Sports, ong ka kyrwoh na U Chairman Sports Committee Khasi Students’ Union EJHDU.
Ki khusnam ba u ioh ki kynthup ia ka –
Event : 800mt – Gold Medal
” : 1500mt – Silver “
Relay Race – Bronze medal
Phi don ban ong eiei?