Jowai: Ka Dorbar Shnong Namdong A, ha ka 16tarik Jymmang 2022, ka la pynkup burom ia u Alexander Lyngdoh uba la ioh rah ia ka nam lahduh ha ka State Level Arm Wresling Championship 2022 kaba la long ha KJP Assembly Hall IGP New Hope Resturant Shillong, uba dei u samla ba ialeh arm wrestling na ka Shnong Namdong A uba la ioh rah ia ka kyrdan ba nyngkong ha ka jingiakhun kti ba 70kilo.
U Alexander Lyngdoh u dei u samla na ka Shnong Namdong A, uba don ka jingduna, namar ba um lah ban kren naduh ka por ba u dangrit bad u long ruh u samla bym don kmie don kpa shuh hynrei la ri bad sumar ia u da i meiduh jong u bad mynta u la trei bylla mistri bad ki paralok jong u ha jowai.
Ha kane ka sngi la ia donlang u MDC ka Mynsngat Khanduli constituency u ma Dawan Lyngdoh, u pa Dolloi ka Elaka Nongjngi ki waheh ka Raij Namdong, u Waheh Shnong Namdong A ryngkat ka jingiadonlang ki paidbah nongshong Shnong.
Ka dorbar Shnong ryngkat bad u MDC ki la iarap da ka song pisa sha u Alexander Lyngdoh mynta ka sngi.
Ki la ai ka jingkitbok ia u na ka bynta ka jingleit ia khun Biang jong u ha ka National Level ha Hyderabad ha ka 30tarik Jymmang haduh ka 06tarik Jylliew 2022.
Phi don ban ong eiei?