Shillong: Kum ka dak kynmaw burom ia ka lyngkhuh sngi iap kaba 159 snem jong u Woh Kiang Nangbah uba long u riewshlur ka jaidbynriew ban iakhun ia ki dohlieh ha ki snem 18 spah tam, ka Dorbar Shnong Nongkhyriem ka pynkup burom ruh ia u Samla Bantiplang Khongwir uba lah long u lahduh ha ka K1 Kickboxing Bantam Weight Championship 2021 kaba dang shu dep long shen ha nongbah Howrah, Kolkata, West Bengal bad kala ai ia ka song jingiarap tyngka lem bad u Memento.
Ka jingjop ha kane championship ka la wanrah nam ia ka shnong bad ka jylla Meghalaya hi baroh kawei. Ki Nongkren bapher bapher lyngba ka Seng Samla Shnong, Ka Seng Kynthei, ka Village Defense Party, Secretary Shnong bad Rangbah Shnong ki lah nang ai mynsiem shuh ia une u samla bad kyrkhu kyrdoh ruh ban nang kiew shaphrang. La synranlang ia u Samla Bantiplang Khongwir lem ki para bad i kmie jong u.
Phi don ban ong eiei?