Shillong:Ka jingpynkup burom ia ki rang kynsai jong ka jylla mynhynnin ka sngi ha ka 10 tarik u Lber 2023 ha ka ba ki la wanrah ia ka burom ban pynpoi haduh ka final jong ka 17th National Football Championship Hero Santosh Trophy.
La pynkup burom ia kine ki rang kynsai jong ka jylla da u bah Shakliar Warjri u Myntri jong ka Sports & Youth Affairs ha ryngkat ruh ka jingiadonlang ki paitbah nongkyrshan ki longkmie longkpa.
Kane ka jing wan rah nam jong ki samla ka jylla shibynta ka dei ruh ka sien kaba nyngkong ba ki rangialehkai kin poi haduh ka final bad ka long ruh ka History jong hapoh ka jylla.
U bah Shakliar kum u kongsan ha kane ka sngi, ha ba ai jingkren u la ong ba katno kalong ka jingsarong ia ka jylla jong ngi ba ki rangkynsai ki la wanrah ia ka burom. U la ong ruh ba khamtam ia ki kmie ki kpa ki dei ban ailad ia ki khun jongki haba kidon ia ka thong bad ka sap, la ha kino kino ki jingialehkai.
Shuh shuh ym tang katta u la kyntu ruh ia ki samla ka jylla ba kin nangtrei shitom nangne shakhmat, khnang ba ym tang ba kin poi ha ka Final, hynrei kin ioh rah ruh syndon ia ka jingjop.
Phi don ban ong eiei?