Pynkulmar ki paidbah bym lah pynbiang pisa ki bank ha Garo

Shillong,22 Nohprah: Mynta ka step ki paidbah ba kynthup ia ki sengbhalang naduh kynthei bad shynrang ki la leit tur sha ka State Bank of India kaba don ha Baghmara Branch bad ki la thmu ban ktah kti ia u Branch Manager katei ka bank bad ki la ker kut ia katei ka bank da kaba khang ia ka khyrdop bah jong ka bad kim shym la shah iano iano ruh ban mih lane rung hapoh ka bank.
Kitei ki pyrshah namarba katei ka bank kam shym lah ban pyn biang pisa khutia ia ki paidbah bad namar ba la ai da ki pisa kot 2000 suda bad kata ruh bun ki bym ioh kumba ki kwah ban sei. Ha kawei pat ka jingjia, mynta ka janmiet ki paidbah ka Chokpot ki la kawang maw ia ka Apex bank , Chokpot ba pyrshah ia ka jingbym lah katei ka bank ban pynbiang ia ki paidbah. Kham hadien ki pulit ki la poi sha katei ka jaka bad ki la lah ban tem ia u paidbah hynrei kam shym la don pat kano kano ka jingjia ha kiwei pat ki bank kum ka SBI ha Chokpot.