Pynkiew U Modi, ia ka skhim iing baduk sha ka T. 1.20 lak

Shillong, 05 Nailur:
Ka sorkar NDA ba ialam da u Myntri Rang-bah Duh ka ri u Narendra Modi ka la pynkiew ia ka skhim shna iing ia kiba duk sha ka T. 1.20 lak na kaba mynshwa kaba long tang T. 75 hajar.
Ia kane la pynbna da u BDO ka Jirang u Bah HK Thabah ha ka jingpynshai paidbah ia ki skhim sorkar ha shnong Center Village, New Jirang ha ka sngi Palei ba la dep.
U BDO ula ong ba ia ka skim shna iing baduk la pynkiew sha ka T.1.20 lak na ka T.75 hajar hadien ba ka sorkar kmie ka la kylla kyrteng noh na ka IAY sha ka PMAY, ka Old Age Pension skim ia ki tymmen ba la 60 snem shaneng, ka Nationai Wodow and Disability skim ia kiba iap lok bad ba anna ba T.250 shi bnai, ka small farmer and marginal farmer ba T.40 hajar haduh T.50 hajar ia ki nongrep, ka National Family Benefit Scheme (NFBF) ia kiba khlad lok, ka Rashtriya Swasthya Bima Yojana (RSBY) na bynta kiba pang ba shitom, ka Swach Bharat Mision na bynta ban lehkhuid bad ka MGN REGS ka skim bylla ba 100 sngi kiba don job card bad kiwei kiwei.
Ula ong kiwei pat ki skim MLA ba ka sorkar ka ai lyngba ki nongmihkhmat ban iarap ia ki paidbah ki long ka Special Rural Work Programe (SRWP) ba T.2,50,000 shi snem, ka Construction of Rural Road Programe (CRRP) ba T.5 lak shi snem, ka skhim MP ka Member of Parliament Local Area Development (MPLAD) na bynta ki kam pynroi ha ki shnong ki thaw bad kiwei kiwei.
U Bah Thabah ula pynshai ruh ba ki paidbah ki lah ban ioh ia ka jingiarap na ka tnad Basin Livelyhood Programe na bynta ban ri sniang ri syiar, suih jain bad man u snem ka ophis jong ka block ka jied ia ki briew ban leit training ha ka kama ri jingri bad suh jain, katba ka Relief Scheme ka dei na bynta kito kiba shah pynjulor ia ki mar rep, ki jingri ne ki iing ki sem bad kiwei kiwei, ka jingmang pisa ia kane ka skim ka shong katkum ka jingjulor.
Kumta ula kyntu ia ki paidbah bad ki dei ban pyntip mar mar sha ophis lada don kino kino ki jingjia shah pynjulor khnang ba ka ophis kan ioh ban jurip ha ka por ba biang bad lada slem palat kim ym lah shuh bad ki shem jingeh ban jurip.
“Ka “Clean and Green Campaing” ka dei kawei pat ka thong jong ka sorkar ban ai khusnam ia ki shnong ba lehkhuid bad ka shnong Iosohksang ka la ioh ia ka khusnam ba T.5 lak ha u snem ba ladep halor ka jinglah jongka ban lehkhuid, kumta ula kyntu ia ki shnong ban lehkhuid ba ka khusnam kan long T.10 lak” ula ong.
Ha kajuh ka por, ula kyntu ia ki kime ki kpa ba ki dei ban shimkhia ha ka ban kyrshan ia ki khun bad kim dei ban shu ap tang ia ki skim sorkar hynrei ki dei ban trei shitom kum ha ka rep ka riang, ka khaii pateng bad kiwei.
Kham hashwa ka Kong B Syiem ka la ong, ka skim MGNREGS ka dei ka skim bylla ba 100 sngi ia ki longiing baduk, ka sorkar ka la pyntrei ia kane ka skim ban ai bylla ia ki longiing baduk ha ka por ba kim ioh bylla bad ka bai bylla ka la nangkiew katkum ka jingiaid ka por. Ki lah ban ioh jingiarap na ka live stock preject kum ki sem sniang, syiar, masi bad blang ban ri jingri
Kiwei pat ki rangbah kiba la ai jingkren ki long u Pastor (Rev) F Sancley, Bah J Wahlang bad Bah OS Thangkhiew kiba la pynpaw kiba la pynpaw ka shnong ka dang donkam bun ki lad jingiarap na ka sorkar ban pynlong kum ka model Villge ia ka shnong Centre Village, kum ki lynti iaid kjat ki surok shnong bad kiwei kiwei.
Ia ka jingialang la pyniaid da u Bah D Rani Sordar ka shnong Centre Village uba la sam ruh ia ki momemto ia u BDO bad ki ophisar ka block ha ka jingdonlang dkhot ka dorbar bad ki riew rangbah.
Ha katei ka sngi ka shong ka la pynlong ruh ia ka jingpynkhuid shnong mynstep shwa ka jingialang bad la pynphuh pynphieng ia ka prokram da ki jingrwai ki khynnah bad ka iakop kyntip naduh ki khynnah, ki longkmie ki rangbah bad baroh ki paidbah kiba la wan sha katei ka jingialang.
Ha kane ka sngi, u BDO u la ong ba ki paidbah ki dei ban leh ia u Aadhar Number, namar shen ka sorkar kan pyntreikam ban pyllait pisa ia ki skim da u Aadhaar number sha paidbah ne kito ki longiing kiba dei ban ioh jingiarap” laong u Bah KH Thabah, BDO Jirang C&RD Block.
Ula ong ba ka skim PMAY ban shna iing baduk ka donkam ia u Aadhaar number ban pyllait pisa bad lada ym don adhar number kim lah ban pyllait pisa.
U Bah Thabah ula pynshai ba kim dei ban sngewthuh bakla ne tieng ia u adhar number, namar ba jingthmu ka sorkar ka long ban lait ki nongthok ne ki nongtuh, ha u adhar number ka don ja finger print ha ka smat card kaba kiwei kim lah ban leh thok ne shukor.
Kumta ula kyntu ba ia ki paidbah ban shimkhia ban ai kyrteng ban ioh adhar number ba kin suk ban treikam ha kaba iadei ophis sorkar bad khamtam ban pyntrei ia ki skim ka sorkar.