Pynkiew kyrdan tang ka nam, khlem ki nongtrei kiba biang

Sngewtynnad ban iohsngew ia ka jingthmu ba bha bad ka jingkut jingmut jong ka sorkar na ka bynta ban wanrah ia ka roi ka par bad ka jingbit jingbiang jong u Paidbah nongshong shnong ka jylla, sngew tynnad ban iohsngew ba ka sorkar ka la pynkiew kyrdan ia ka Police Outpost sha ka Police Station bad nangta na ka Administrative Unit sha ka Civil Sub-Division kumjuh ruh ia ka Primary Health Centre sha ka Community Health Centre bad kumta ter ter.Hynrei kaba sngewsih ka long ba la shu pynkiew kyrdan tang ka nam khlem ki nongtrei kiba biang, khlem ki shlem treikam kiba biang, namar kata ka jingkyntu ia ka Sorkar ba ka dei ban pynbiang noh kloi ia ki jingdonkam khnang ba ki paidbah ka dong ka thain, ka District bad ka Jylla kin ioh jingmyntoi.

Bunsien la shu kut tang ha ka jingkhap ribbon bad ka jingbuh maw nongrim bad ka jia ruh hateng hateng ba ym don wat ha ka mang tyngka la shu buh mawnongrim bad pynkiew kyrdan kaba long kum ka jing pynthame ia ki paidbah shuwa ka election.

Albert Maring, Umdap Dumu,
Ri Bhoi District.