Pynkiew ka sorkar, ia ka contingency fund

Shillong, 3 Lber:
Ka jingialang ka kynhun myntri mynta ka sngi ka la pdiang ban ia ka amendment Bill, 2017 na ka bynta ban pynkiew ia ka jingmang pisa jong ka Meghalaya Contingency Fund na ka T. 200 klur sha ka T. 305 klur na ka bynta ban wanrah ha kane ka dorbar mang tyngka.
“Ngi la tyrwa ban wanrah ia ka Bill kaba ngi la rai ban pynkiew ia ka jingmang pisa jong ka Contingency fund na ka T. 205klur sha ka T. 305 klur. Yn rah ia ka dorbar ban ioh ia ka jingpdiang’, la ong u Myntri Rangbah ka jylla u Dr Mukul Sangma.
U la ong ba ka jingmang pisa na ka bynta mynshwa ka long T. 205 hynrei la pynkiew shi por sha ka T. 455 klur lyngba ka Ordinance kham mynshwa bad mynta ka donkam ia ka bill ban rah ha iing dorbar ban pynskhem ia ka.
Ka jingpynkiew ia ka jingmang pisa ka long ban pynlah ia ka sorkar lyngba ka tnad Finance ban pynlait lypa ia ka pisa na ka Contingency Fund ia ki kam ba kham donkam kyrkieh katkum ka jingdawa jong ki tnad, ka bym shym la pynhap ha ka mang tyngka.