Shillong: Kum shi bynta ban rakhe ia ka World Environment Day ha ka 5tarik Jylliew, 2021; ka Mawrusyiar Youth and Cultural Club lyngba ka Social and Welfare Committee, ki la mih sha khmat ban pynkhuid ia ki tyllong um bad ki jaka sait jain ha baroh ki dong jong ka shnong Mawrusyiar. La lah ban pyndep ia kane ka kam da ka jingiashim khia lang jong baroh ki long iing ha la ki jong ki jong ki dong ki ba don hapoh shn ong.
La lamkmat ia kane ka programme da ka jingtrei shitom ka kong Maxilyne. K. Musulman Secretary Social and Welfare Committee, kaba la pynbit pynbiang bad phah ka jingpyntip ha baroh ki long iing ba kin long ki ba la kloi ban ia trei lang bad ka seng samla shnong haba ka ba ia dei ban sumar khuid ia la ka jong ka shnong bad ruh ban nang ban sumar ia ka mei Mariang.
Na ka liang jong u General Secretary Bah Lambor F. Wanniang u phah ia ka kyrwoh ba ka long ka ba donkam bha haduh katta katta ha baroh ki dong ba ki dei ban sumar bha ia ki tyllong um bad ki jaka sait jain hala ki jong ki dong khnang ba kane kan iarap shibun ia kaban pynneh pynsah ia ki tyllong um ki ba don hapoh shnong. U la ong ruh ba kane kan ia rap shibun ban ioh um kaba biang lada jia ba kyrduh um khamtam ha ki por tlang. Ki don ruh ki tyllong um ba la pyntrei lyngba ka Scheme MGNREGS, kumta dei ban pyndonkam hok bad ban da sumar khuid ia kine ki jaka.
Phi don ban ong eiei?