Pynkhuid shnong nongmensong

Shillong,9 Nohrah:
Ka Dorbar Shnong Nongmensong ka la pynbna ba kan pynlong ia ka jingpynkhuid shnong ha ka 12 tarik mynta u bnai naduh ka por mynstep. Ka dorbar shnong ka la kyntu ia baroh ki nongshong shnong ban ia mih ryntih ha katei ka pynkhuid shnong, ka la kyntu ruh ia baroh ki traia jaka kiba don hapoh shnong ne ha bar shnong ba kin ia mih ryntih lang ha katei ka sngi. Ka la pyntip ruh ba kan don ka jingpyrkhing ban iaid kali ha ki surok shnong naduh ka por 8 baje mynstep haduh ban da dep pynkhuid khnang ba kan ym wanrah ka jingthut lane ka jingmynsaw ia ki paidbah kiba ia shim bynta ha katei ka jingpynkhuid shnong.