Pynkhuid shnong Lumdiengjri

Shillong,18 Risaw:
Ka Seng Kynthei Lumdiengjri, Shillong kan pynlong ia ka jingpynkhuid shnong lashai ka sngi, ka 19 tarik u Risaw, 2013. Ka jingthmu jong kane ka pynkhuid shnong ka long ban ia shim bynta ha ka Youth for Green Movement ba la plie paibah da u Myntri Rangbah, Dr. Mukul Sangma dang shem, da ka jingthmu ban nang pynjyrngam shuh shuh ia ki khlaw ki btap, ban pynneh pynsah ia ka mariang bad ban pynioh ia ka jingkhuid jingsuba ha ki shnong ki thaw. Kane ka jingpynlong ia ka jingpynkhuid shnong da ka Seng Kynthei Lumdiengjri ryngkat bad ki nongshong shnong, kan ai mynsiem shuh shuh ia ki paidbah nongshnong shnong jong ka jylla bad kham tam ia ki samla ban nang pyniaid shaphrang ia ki jingthmu jong kane ka Movement.