Pynkhuid shnong ka Seng Kynthei ha Nongjri

Nongpoh, 23 Risaw:
Shi bynta ban wanrah ia ka khuid ka suba ha shnong ha thaw, ka Seng Kynthei Shnong, Upper Nongjri, mynha ka sngi Saitjain, da ka jingiashim bynta da baroh ki longkmie ki la pynlong ia ka ka jingpynkhuid shnong.
Ia kane ka jingpynkhuid shnong la ialam da ka Kong Wensida Malieh, kaba dei ruh ka President ka Seng Kynthei Shnong, Upper Nongjri bad ha katei ka sngi la iohi ruh ia ka jingtrei ba shitrhem da ki longkmie ha katei ka shnong, ha kajuh ruh ka por hadien ba ki la dep ban pynkhuid ki la ber shun ruh harud jong ki lynti synkien.
Ki longkmie ki la pynkhuid ruh ia ka Iing Durbar Shnong, kaba la tei ha ka jinglut kaba T. 2.50 (Ar lak Sanphew hajar) ia kaba la plie paidbah dang shen da u Bah Julius Dorphang, MLA ka Mawhati Constituency.