Pynkhuid shnong ka Lyndem

Shillong,16 Risaw:
Ka Lyndem Seng Bhalang Sports & Cultural Club ka la pynlong ia ka jing pynkhuid shnong, Lyndem ha ka 11tarik Risaw,2016. Ha kane ka jing pynkhuid shnong la ia wan iashim bynta lang baroh da ki Samla kynthei bad shynrang, Rangbah shnong u Secretary shnong bad ki member shnong baroh, bad ka Kong G.M Kharpuri MDC ka thain bad ba long ruh kongsan, ha kajuh ka por ka long ruh ka Executive Member ka KHADC, ba dei peit ia ka tnad khlaw.
Wat hapdeng ka jing pynthut u slap nyngkong eh ki la pynlong ia ka jingialang paidbah ban pynshai bad pynsngewthuh ia ki nongshong shnong shaphang ka jinglehkhuid, la ialam ia ka jingialang da u Vice President ka seng u BunlangMawpat. Ki nong kren ki long U Bah L.J Reeborne Member shnong bad u Rangbah Shnong ha kana ki la pynshai shaphang ka jingkhuid jing suba.
Haba kren ka Kongsan Kong G.M Kharpuri, ka la ong, ka jinglehkhuid na dei ban sdng shwa na la ing, ka jinglehkhuid ka ialam sha ka jing koit jing khiah bad ka dak jong ka riewblei wat lada duk ne phong ia ki jain ki nep kiba jot ba pei ruh haba ki khuid itynnat ban peit. Bad la batai bad pynshai ruh shaphang ka Swaach Bharat Mission kaba ka sdang da u Myntri Rangbah duh ka ri u Narendra Modi bad shibun kiwei pat ki mat jinglehkhuid haba ai jing kren ka katei ka sngi.