Pynkhuid rud surok ka jingiaseng Samla 4 mer

Shillong,12 Nohprah:
Shi bynta kum ka jingpynkhreh ban pdiang sngewbha ia ka jingwan ka Khristmas ka Jingia seng samla Presbyterian , 4 mer Upper Shillong, mynta ka sngi ka la pynlong ia ka jingpynkhuid ia ki rud lynti ka surok Upper Shillong kaba la sdang naduh naneng skul Gorkha ter-ter shaduh 4 mer shiteng. Ha katei ka jingpynkhuid ia ki rud surok la wan ban ia shim bynta da ki dkhot ka seng Samla. Ha i por iba tang shisngi ka jingiaseng samla kam shym la lah ban pynkhuid ia baroh ki rud surok ka Upper Shillong namar ki la long jaboh shaba palat bad ka la shim bun por ban ia ksaid tang ia kito ki jaka kiba la palat ka jingjaboh ruh. Ka jingiaseng Samla ka la kyntu ia baroh ban ia snohkti lang namar ka jingkhuid ka surok Upper Shillong , da kaba kin ym ia bret pathar ia ki jaboh bada ki nuit ki nier ha ki rud surok.