Pynkhuid mot sah kynmaw ka BJYM, ha Motphran

Shillong:Ka Bharatiya janata yuva morcha, ha ryngkat ka jingia treilang bad ka Mahila morcha bad Shillong city district jong ka BJP ki la pynlong ka jingpyn khuid paidbah ha Khyndai lad bad ha u mot sah kynmmaw ia ki shipai ha Mot phran ha ka 12 Nailar 2023 kum shi bynta na ka prokram ba shitaiew lynter ‘meri maati mera desh’ ne kaba mut ‘ka khyndew jong nga, ka ri jong nga’ ba la pynlong ha kylleng ka ri India baroh kawei.

Shibun tylli ki prokram la pynkhreh da ka seng BJP bad ki tnat treikam jongka na ka bynta baroh shitaiew ia kaba yn sa pynkut ha ka 15 tarik kaba dei ka sngi rakhe ia ka jinglaitluid ka ri da ka jingpynher ia ki lama ka ri ha ki tnum iing bad kan sa don ruh ia ka jingthung ia ki dieng kum ka dak sah jingkynmmaw ia ki riewshlur ka ri kiba la iap na ka bynta ban ioh ia ka jinglaitluid.