Pynkhuid Khyndailad ka BJP

Shillong, 4 Nohprah:
Ki dkhot ka BJP mynta ka sngi ki la pynlong ia ka jingpyn khuid ia ki sawdong sawkun ka sor Shillong kaba ki la leh ruh ia katei ka kam pynkhuid ha Khyn dailad , bad ha katei ka jingpynhkan kaba la tip kum ka Swachh Bharat Abhiyan la wan ban ia snohktilang da ki nongdie madan, ki nongshong dukan bad ki riew paid bah kiba iaid lynti na katei ka jaka.
Kumba 100 ngut ki dkhot ka BJP ki la ia shim bynta ha katei ka jingpyn khuid Khyndailad ba kynthup ia ka Bharatiya Janata Party, Bharatiya Janata Mahila Morcha, Bharatiya Janata Yuva Morcha. Kynthup ruh ia u State President bah Khlur Sing Lyngdoh, General Secretary Dipayan Chakraborty President barim u bah H.S.Syiemlieh, kong Bianca Kyndiah State President Mahila Morcha, General Secretary kong Pelcy Snaitang Mahila Morcha State Yuva Morcha Egenstar Kurkalang. La ai khublei ia ki paidbah da ka kong Biancy Kyndiah ia baroh kiba la wan ia shim bynta.