Nongpoh:Shi bynta ban pynkhreh ïa ka jingkynduhlang ki nongmihkhmat na ki 20 tylli ki ri ka pyrthei bad kaba la tip kum ka G-20 meet, ka ban sa long ha ka 17 bad 18 tarik mynta u bnai, kumta ki nongïalam ka Nongpoh Town Committee (NTC) ha ryngkat ka jingiatrei lang bad ka National Highway Authority of India, ki la pynlong ka jingpynkhuid ïa ki jaboh jabaiñ bad ki plastic kiba la satah harud surokbah NH-6 bad kaba hap ha Nongpoh Town.
Lyngba jong katei ka jingpynkhuid ia ka surok bah, la shim bynta shitrhem da ki Dorbar Shnong jong ki shnong ba hap ha ka Nongpoh Town naka bynta ban shim kabu ban pyni sha ka pyrthei halor ka jingkhuid jingsuba jong ki shnong bad ki lynti ki syngkien haba ki briew ba na kylleng ki ri ka pyrthei kin ban iuhkjat ha kane ka jylla.
Haba iadei bad katei ka jingpynkhuid ia katei ka surokbah, u Bah Rayonald Kharkamni kum u Secretary ka Nongpoh Town u la pynpaw ka jingsngewkmen halor ka jingïatreilang bad ka jingshim bynta lang jong ki Dorbar Shnong, NHAI bad ka Nongpoh Town Committee ban wanrah ïaka khuid ka suba kaba ym dei tang ka jingpynkhreh ïaka G20 Meet hynrei ki paidbah ki dei ban sngewthuh shai ba kim dei ban bret pathar ïaki jaboh jabaiñ hynrei ban pynmlien ïalade ban long ki nongrah khubor ban wanrah ïaka khuid ka suba naka bynta ka jingitynnad bad ka jingkoit jingkhiah.
ka dei ka ba sngew tynnad shisha.
ngi dei ban ri bad sumar khuid ia baroh ki surok, ki lynti syngkien, ki ing ki sem bad kumta ter ter.
khublei.