Pynkhuid jaboh ka JNV ha Iawmusiang

Jowai, 20 Iaiong:
Ka Jaintia National Volunteer ha ryngkat ka Women’s wing katei ka seng ki la mih sha Iawmusiang ban pynkhuid ia ki jaboh hadien ba ki nongtrei ka Municipal Board ki la sangeh treikam la katne taiew na ka daw ba kim shym la ioh tulop shuh la phra bnai kynthih.
Ka JNV ka la kit ia ki niut ban leit bret sha jaka bret niut bad ki la pynkhuid ruh ia shilynter ka surok Iawmusiang naduh jan ka Skul HK Singh shaduh Gate Laban (Newhill) Jowai.
Ki dkhot ka JNV ka la pynpaw ba ka Iawmusiang kalong kum ka kamra shet bad lada ka jakhlia shibun ki jait jingbapher bapher kin mih na ka.
Ha ka juh ka por, ki niut kiba lum thup ha Lad Wah Nangbah bad ha jan DC Ophis la shaniah ha ka JHADC.
Na ka ka JNV ka la ong ruh ba kan pynkhuid ia kane ka Iew shi sien shi taiew tad haduh ka Municipal Board kan sdang biang ban trei.
Ka jingjaboh jong ka Iaw Musiang, ka dei namar ba ki nongtrei jong ka Jowai Municipal Board, kim treh shuh ban leit lum niut, ba kim ioh tulop.