Pynkhreh noh ia ka thma, ong U President ka China

U XI Jinping, ula hukum ia katei ka Ri, ba kan pynkhreh noh, na ka bynta ban ialeh da ka thma nangne shakhmat. U Xi, ula kren shai, ba ka jing pynkhreh ia ki shipai ki swar bad ki duraka jong katei ka Ri, ka la nang skhem shibun bad katei ka dei namar ba ka China, ka don ha ka jingshah pynthut kaba jur bha, kaba lah ban ktah ia ka shongsuk shongshngain jongka, ha ki sngi, ki ban sa wan.

Ki lad jingtip, ki iathuh ba ka China, ka lah ban hiar thma kynsan ia ka Taiwan, namar ba U Xi, u don ia ka jingthmu ban pyn iasnoh kawei ia ka Taiwan bad ka China.

Ha u bnai ba ladep, ka Communist Party jong ka China, ka kren shai, ba kan khanglad ia kano kano ka jinglong laitluid jong ka Taiwan, hynrei, kan iaid beit shakhmat, ban pynlong kawei ia katei ka Ri bad ka China.