Namar ka khubor ba ka BJP, kan wan phai biang ha ka jing synshar ha Delhi, kumta shi bun tylli ki seng ngeit niam Hindu, ki la pynkhreh ia ka jingialang kaba shiphew sngi kynthih, ha ka 27tarik Jymmang bad ka phang, ka long ban pynkylla ia ka riti synshar ri bad ban pynbna ia ka India, kum ka Ri Hindu lane kaba ki ong “Hindu rashtra”.
Ka Hindu Janajagruti Samiti, ka iathuh ba ka jingialang kan long ha Ponda, Goa, ha kaba kin don 800 tylli ki seng ki ban shim bynta ha ktei ka jingialang. Katei ka Samiti, ka dei ka seng, kaba donkti ha kaba pyniap ia ka nongthoh khubor, ka Gauri Lankesh.
U Mohan Gowda, u nongkren jong ka Samiti, lem bad U NP Amrutesh, Vice President ka Hindi Vidhidnya Parishad, ki kren shai ha ka news channel CNN News 18, ba ka thong jongki ka long ban pynkylla ia ka India, kum ka Ri jong ki Hindu bad ban weng noh ia ka kyntien laitluid niam (secularism) na ka riti synshar Ri. U Mohan Gowda, u pynbna ba ka India, ka dei ban kylla Ri Hindu, lada slem eh ha shwa u snem 2023.
Baroh u briew u don la ka jong ka jong ka jingthrang ne angnud ban ioh ne ban jop,man kawei pa kawei ka kynhun ruh kidon beit ka jingangnud ban jop ne pynurlong ia ki jingthrang jong ki.hynrei kam dei pat ban long be-ain.