Pynkhreh ka US, ban thung shipai syntiat da ki dohkha

Ka sorkar America, kaba peit ia ka tnat iada ri, ka don jingthmu ban pynrung noh ia ki dohkha, kum ki shipai syntiat jongka bad ka daw, ka long ban thwet ia ki jhad lane ki submarine jong ki nongshun, kiba iaid hapoh duriaw.

Katei ka jingthmu, ka long ban tip ia kano kano ka jingpynthut hapoh um, ha kano kano ka khyllipmat bad halor katei, ka tnat iada ri jong ka US, lyngba ka tnat jongka, ka  Defense Advanced Research Project Agency (DARPA), ka la iaid shakhmat ia ka jing pyrshang jongka bad la shim ba katei kan lah ban lap wat ia kano kano ka jingiaid jong ka kali kaba rit duh hapoh duriaw.