Shillong: Ka Shillong Lajong FC, ka la pynkhreh bha ialade ha ka jingkilan ha Srinagar na ka bynta ka jingiakhun pyrshah ia ka kynhun Real Kashmir kaba yn ialeh lashai ka sngi ha TRC Turf Ground, Srinagar naduh ka por 2 baje janmiet.
Ka jingialehkai lashai ka sngi kan long ka sien kaba lai ia ka Lajong kaba la ioh ban iakhun shabar na la iing hadien ba ka la iakhun nyngkong eh ia ka Mohammedan SC bud sa ka Rajasthan United ia kaba kitei ki jingiakhun ki la shu kut ha ka jingiadraw da mar 1-1. Ia mynta, ka Lajong ka ieng ha ka kyrdan kaba san da 16 poin na ki 9 tylli ki jingiakhun.
Ka Real Kashmir ka ieng ha ka kyrdan kaba lai da 17 poin na ki 9 tylli ki jingiakhun.
Na ka daw ka jing shitom bad ka jingphah sumar, ngin ym iohi ia ki katto katne ngut ki rangialeh ka Lajong ha ka jingialehkai lashai ka sngi kiba kynthup ia u Phrang ki Buam, Damaitphlang Lyngdoh, Kenstar Khar shong, Everbrightson Sana Mylliempdah bad u Sangti Janai Sianglong.
Wat lada la jingbym ioh ban shim bynta jong kitei ki rangialeh, ka Lajong ka dang long ka kynhun kaba khlain da ka jingioh mih madan biang u midfielder jong ka Brazil u Renan Paulino De Souza hadien ba u hap shong shuki noh na ka daw ka jingioh saw tylli ki yellow card ha ki jinglehkai kiba la dep. Kumta la khmih lynti ia ka jingmih kaba bha na ka kynhun jong ka jylla ha ka jingia aireng bad ka Real Kashmir lashai ka sngi.
Phi don ban ong eiei?