Pynkhreh ka CLP, ia ki mat ia kren, ha ka ingdorbar ka ban sa long ha u Naiwieng

Shillong: Ka Congress Legislature Party, mynta ka sngi ka la pynlong ia ka jingialang ban ia kren ia ki phang ba kin sa rah hapoh ka iing dorbar thawain ka jylla ka ban sdang ha ka 5 tarik u Naiweing 2020.

Haba ia kren bad ki lad pathai khubor, hadien ka jingialang, u nongialam ka liang pyrshah u Dr Mukul Sangma u la iathuh ba ka jingialang jong ka CLP kaba la long mynta ka sngi ka long ban rah ia kaei kaba kin rah hapoh ka iing dorbar ha kane ka dorbar ban sa wan.

Ki phang ba kongsan ka ba ki la iakren ka long, halor ka jingpynbeit ia u pud u sam bad ka jylla Assam,ka jingslem ban shna ia ki khyrdop ia rung ia mih (entry exist point) bad ka ingbym lah ban trei kam kane ka sorkar kaba mynta.

U la pynpaw ba kum ba ka long mynta kane ka sorkar ka la bakla ha baroh ki liang bad u la ong ruh ba shuwa ka snem 2018 ka jylla Meghalaya ka la long ka jylla kaba la paw ha baroh ki liang, hynrei mynta kane ka sorkar ka la wanrah biang ia ka jylla sha trai bad ka la pynbud nam ia ka jylla ha ki ba bun ki liang.

U la ong ba kine baroh ki paw shai ba kane ka sorkar kam lah ban synshar ha ka rukom ba dei ia ka jylla.U la iathuh ruh ba ha ka jingialang ki la don ruh ki jingai jingmut na ki MLA ha kiba bun ki bynta ha kaba ia dei bad ki phang kaba kin sa rah hapoh ka iing dorbar ha kane ka kynti kaba mynta ban ia kren hapoh ka iing dorbar.