Shillong: Ka HSPDP ka la nang pyniar bad nang pynkhlaiñ shuh shuh ia ki shnat treikam jong ka ha kylleng ka ri Khasi ha kane ka lynti iaid ba 50 snem jong ka. Mynta ka sngi katei ka seng ka la lah ban pynkhie im ia ka kyrteng jong ka ha Sohra konstitwensi ha kaba da ki spah ngut ki paidbah ki la rung dkhot bad la thaw ruh ia ka HSPDP Sohra Area Unit.
Napdeng kiba bun kiba la wan pyniasoh sha katei ka seng, u bah Wanstep Diengdoh u dei uwei na ki rangbah uba la wan ban long dkhot bad u don ruh ha ka jingpynkhreh na ka bynta ka elekshon MDC 2019 bad ha katei ka juh ka sngi pynskhem ia ka Area Unit ki paidbah ki la pynpaw ba ki kwah ba ka HSPDP kan pyniakhun da u bah Wanstep ha kane ka elekshon MDC na Sohra konstitwensi. U bah Wanstep u dei uba la iakhun teng ia ka elekshon MLA na Sohra ha ka por ba la seng nyngkong eh ia ka KHNAM ha u 2003.