Shillong:Mynhynnin ka sngi ka tnad Revenue and Disaster Management ka jylla ryngkat ka Meghalaya State Disaster Management Authority da ka jingiatreilang ka National Disaster Management Authority ka sorkar India, ki la pyllong ia ka jingkilan ne exercise da kaba shim ba ka jingwan u jumai uba khlain bor 8.3 Richter scale kaba kham heh ban ia u jumai uba wan ha u snem 1897.
Ia kane la shim nuksa ha ka thain Polo, ha kaba la pyni kumno ban iada, ban pyllait im ia ki briew na kane ka jingwan u jumai. Ka jingpyllong ka long ban hikai bad pynsngewthuh ia ki paidbah ba kin tip ban pynkhreh kumno ban leh haba wan syllad ka bor ka mariang kum u jumai, ka eriong, ka jingpluh ding bad kiwei.
Ka Deputy Commissioner ka East Khasi Hills ka Kong Rosette Mary Kurbah ka la ong ba kane ka thain ka dei ka zone 5 kaba ju iaid bha u jumai uba khlain bor. Ka la ong ba kane ka long ban hikai ia ki briew haba ki don ha iing ne ha madan na hangno hangno ban iada ban lait na ka jingma. Ka la ong ba kane jingkilan ne mock drill kam dei kaba shu lehkai hynrei ka dei ka jinghikai bad kam dei ba pan kwah.
Phi don ban ong eiei?