Shillong: Ka Hill’s Farmer Union, Thadlaskein Block Unit, West Jaintia Hills District ka la ioh ban pynskem ia ka Unit ba thymmai jong ka ha Mukhla Nongrim ha ka 9tarik Naitung, 2021. Ha kane ka sngi la wan ban pynskem ia kane ka Unit ba thymmai ka HFU da u President bad Secretary ka HFU Thadlaskein Block.
Na ka liang u President ka HFU Thadlaskein Block U bah Mutshwa Thabah, ha ka jingkren mait phang, u la ai khublei ia ki nongrep ka Mukhla Nongrim ki ba la shim khia ban iakit iabah lem ia ki para nongrep bad ki ba la sngewthuh ruh ban don da ka kynhun kaba khlain bad ka jingiatrei lang ban lah ban jop ia ki jing eh ba ki nongrep ki ia kynduh.
U Secretary jong ka HFU Thadlaskein Block U bah Chanbor Rymbai, u la pule ia ki riti trei kam jong ka seng bad ki kyndon ba ki nongialam jong ka seng ki dei ban bud ryntih katkum ki mat trei kam ka Hill Farmers Union. U la kyntu ia ki nongialam ban long ki ba trei shitom bad ki ba kloi ban iarap ia ki para nongrep ha kino kino ki khep ba ki nongrep ki ia kynduh.
Ki nongkitka ka Hill Farmer Union Mukhla Nongrim Unit ki long U bah Janra Sari President, bah Kor Sari Vice President, bah Supplyme Sari Secretary, bah Hammylling Sari Asst Secretary, bah Hamthaba Suna Treasurer bad ki Executive member ba kynthup ia U bah Iadron Sari, Likton Talang, Chalanki Sari, Sor Sumer bad Roland Sari. Shuwa ban pynkut ia ka jingialang la ioh ia ki kyntien sneng kyntien kraw bad ka jing kitbok kitrwiang na I president ka HFU Thadlaskein Block.
Phi don ban ong eiei?