Pynkha tnad ka MPDF ha Mawlai

Shillong, 26 Naiwieng:
Ka Mawlai Peoples Development Forum (MPDF) kala ioh ban pynkha tnad ha man ki shnong ka Mawlai Pyllun.
Ha kane ka sngi Hatmajai, ka MPDF hapoh ka jingialam u Bah Process T Sawkmie MLA barim kum u President, u Bah K.Basaiawmoit Working President bad kiwei ki nongialam, kila pynskhem sa ia ka MPDF Womens Wing Unit jong ka Shnong Mawlai Nongpdeng ha ka jingialang bala pynlong ha Nongpdeng.
La jan baroh ki dkhot jong ka womens Wing -Nongpdeng Unit ki dei ki nongialam bad ki nongkitkam ba shitrhem jong ka United Democratic Party (UDP) kiba la iehnoh kam dang shen na kane ka party riewlum namar ka jingshah kren tohmet ha u MLA/MDC uba dei u President ka UDP Mawlai Circle.
Ha kane ka sngi ka Kong Helen Rynjah la jied kum ka President, Kong Swtidia Dkhar bad Bidalin Thabah kum ki Vice President, kong Helenda L.Mawphlang General Secy, kong Serilla Nongrang Asst genl Secy, kong T Ryntathiang bad Roda Lyngdoh ki Jt Secy, kong Anborine Dkhar Organising Secy, kong Ribhalin DkharAsst Organising Secy, kong Kerdalin Biam Social Secy, kong Rina Bamon Asst Social Secy, kong Banylla Nongbri Education Secy, kong Domina Ranee Asst Edu Secy, kong wanda Dkhar Publicity, kong Josephine Syiemiong Treasurer bad kong Doreen Lyngdoh kum i Adviser ka kynhun.