Pynjulor ka lyer ba jur ia kawei ka ing, ha ki thain Umsning Ribhoi District

Shillong: Mynta ka sngi, ha ka por 11:30 baje mynstep ka lyer ka ba jur ka la lynshop kynsan ha ki thain ka shong Umsning Ribhoi District, ha ka ba ka la rat naphang ia kawei ka ing kaba don ha ka dong Patarim Umsning.

Ka lyer kaba jur ka la ioh ban pynjulor ia ka ing jong i kong Sadoti Ritshong kaba don ha ka dong Patarim Umsning. Donbok ba ym shym la don kiba mynsaw lait noh tang ka jing julor jong ka ing bad ki jing buh jing sat hapoh kane ka ing.

Kaba kham shah ktah eh ha ka ne ka jing julor ka jing duh noh ia u khaw ki jhur bad kiwei ki marbam ki ba ki la pynlang lupa ba kin pyndap ha kine ki bnai katba dang iaid ka jing pakhang shnong.

Haba khein kyllum ia ka jing shah ktah ha kane ka jing lynshop jong ka lyer ia kane ka long ing, ka la poi sha ka 50 hajar tam kynthup ia ki marbam jong ki.