Pynjot thiaw ka America, ia ka ktem ki ehrang ISIS

Ki shipai suin ka Amerika ki la pynpra da ki namding ia ka ktem ka ISIS, hadien ba ki la ioh jingtip ia ka jingdon katei ka ktem lyngba ki Social Media. Katkum ka jing iathuh u General Herbert “Hawk” Carlisle, u heh duh jong ki shipai suin, ha ki lad khubor u la ong ba ki shipai suin ha Hulburt Field, Florida, ki la ioh jingtip ia ka ktem lyngba ka jingwad bniah na ka dur ba ki ISIS ki la pyllait ha ka social media.
Katei ka jingjia ka la mih hadien ba ki ISIS ki la leh ia ki kam pyn triem jong ki ha Middle East ha kaba ki la khrai khlieh ia ki spah ngut ha kawei ka nongbah ka Syria ha Palmyra. Katei ka jinghiar thma ka Amerika ka dei ar sngi shuwa ba kin pyntip sha ka Congress shaphang ka jingpyndonkam ki ISIS da ki Social Media. Katkum ki bor wad bniah ki stad ka Amerika ki la iathuh ba 1700 tylli ki dur, ki jingring phlim jong ka ISIS ka la poi sha ki 200,000 ngut ki briew ha ka Twitter bad kiwei pat ki Social Media.