Pynjot iingmane Katholik ha Agra

Agra, 16 Iaiong:
Ki ehrang shit niam Hindu, ki la leit ban pynjot ia ka iingmane ha Agra mynta ka sngi, ha kaba ki la pynjot lyngkhot lyngkhai ia kiba bun ki bynta jong ka iingmane St Mary’s, kaba don ruh ha syndah jong ka Tal Mahal bad ki la lynthaw ia ar tylli ki dur mot, ong u lyngdoh niam jong katei ka Balang, U Eugene Lazarus.
Utei u lyngdoh niam, u iathuh ba ula kyndit thiah mynta ka sngi, ha ka por 3.30 baje mynstep bad ula iohi, ba ki jingkhang jong ka iingmane ki la plie rut bad ki don ki jingkhang iit jong ka kali, kaba u pynieng ha phyllaw, ba la shah pynpait.
U Phadar Eugene, u iathuh ba katei ka iingmane, kaba don la 93snem ka rta, ka dei ka bym pat ju shah pynjot satia mynno mynno ruh. La iathuh ba ia kawei ka dur mot jong ka Mary, ki la tan pyn khyllem, da kaba pyndonkam da u kynjri tan ksew.