Pynjlan sanat ka Hima Mylliem, ia ki rangbah shnong

Shillong:Ka ophis treikam jong ka Hima Mylliem mynta ka sngi, ka la shim ia ka rai ban dang pynneh iaka sanat ki Rangbah Shnong kiba la kut por. Ia kane ka rai ka Hima Mylliem ka la shim haka jing ialang jong ka Hima Mylliem ba lamkhmat da u Paiem Ainam Manik Syiem bad ki rangbah shnong kiba hap hapoh ka Hima Mylliem.

Na ka liang u myntri M.B Kharlukhi, u la ong ba ka daw ban pynlong ia ka Hima Mylliem ban pynjlan ia ka sanat ki rangbah shnong namar ba kim ioh lad ban pynlong dorbar namar ka jing wan ka jing pang ‘corona virus’ hapoh ka jylla.

“Mynta ka sngi ki don kumba 15 tylli ki dorbar shnong kiba wan ia shim bynta ha ka jing ialang bad na ka liang ka Hima Mylliem ka la rai ban pynneh ia ka sanat ki rangbah shnong tad haduh ban da pynbna da kumwei pat” la bynrap u myntri M.B Kharlukhi.

Nalor kane u myntri M.B Kharlukhi, u la ong ruh ba ka Hima Mylliem ka la rai ruh ban ai jing iarap pisa sha ki rangbah shnong na ka bynta ban ai mynsiem ia ki, ha ka jing iakhun pyrshah ka jing pang ‘corona virus’ hapoh ka jylla.
“Ka Hima Mylliem ka la kyntu iaki rangbah shnong ban ai jingkhein sha ka Hima iaka jing lut ha kaba dei bad ka jing pyniaid ia ki ‘Quanrantine Center’ hapoh ki shnong” la bynrap u myntri M.B Kharlukhi.