Pynjlan ka komiti phiah konstitwensi

Shillong,17 Naiwieng:
Ka Delimitation Committee ba la thaw da ka KHADC ka la pynjlan biang ban phah ia ka ripod jong ka kumba la buh tarik ha ka 23 u Naiwieng sha ka taiew ba nyngkong u nohprah. Katei ka komiti ka la pan por biang ban pyndep ia katei ka kam haduh u nohprah da kaba ong ba ka por ba ka Council ka la buh ka lyngkot palat.
Katkum ka jingtip ba la ioh lum na uwei na ki dkhot ka tei ka komiti u la ong ba ia ka jingpynshai paidbah kaba nyngkong la pynlong ha nongpoh ha ka sngi saitjain bad kaba ar pat yn sa pynlong ha Mawkyrwat ha ka sngi nyngkong. Kaba lai yn pynlogn ha nongstoin ha ka 22 tarik bad kaba khadduh ha KHADC ha ka 2 tarik u nohprah.
Utei u dkhot ka komiti u bym shym la pynmih kyrteng u la ong ba ka komiti ka kwah ba ka jingphiah konstitwensi thymmai kan pynhap ia kito ki shnong bad ki konstitweinsi ha ki district jong ki. “Ngim sngew tynnad ba ki shnong ha South West Khasi Hills kin hap hapoh East Khasi Hills,” ong biang utei u dkhot.
Haba phai sha ka jingpynsngew paidbah kaba la long ha Nongpoh, u la ong ba baroh ki paidbah katei ka thain ki kwah ban thaw noh da ka Umsning konstitwensi. Lah ban kdew ba kham mynshuwa ba na ka bynta ban thaw ia ka Umsning konstitwensi ka KHADC ka la pynbna ba donkam ban pynduh noh ia ka Laitkroh. Ka laitkroh kan ia pharia kylleng kylleng kum ha Sohra, Lyngkyrdem bad Mylliem konstitwensi.