Pynjari section 144 CrPC ka DC ha Ri-Bhoi

Nongpoh, 5 Rymphang:
Ka District Magistrate ka Ri-Bhoi mynta ka sngi ka la pynjari da ka Section 144 CrPC ban khang pyrshah ia ki trok dewiong kiba rung tuh na ka surok Nongpoh-Umden, Umling- Lailad- 20mer bad na Umsning sha Jagirorad ha Ri-Bhoi District.
Ka DC ka la pynjari ia kane ka ain ka dei halor ka nongrim ba ka bor District ka la ioh jingtip ba ki don ki trok kit dewiong kiba rung tuh  na kitei ki surok bad na ka bynta ban khang lad ia kitei ki trok kiba rung tuh la pynjari ia kane ka section bad kito kiba ia leh pyrshah kin hap ha ka jingpynshitom katkum kitei ki kyndon jong ka ain.
Kane ka kyndon ain ka treikam noh naduh ba la mih ha ki kot khubor bad kan dang iai treikam katba ym pat pynbna da kumwei pat.