Shillong: Ka ophis jong ka Shillong Municipal Board, kan pynlong ia ka jingleit jurip bad thoh kyrteng ha Them Metor mynta ka sngi bad halor katei ka jingleit, U District Magistrate, ka East Khasi Hills, ula pynjari da ka kyndon 144 Cr Pc, kaba khang ia ka jingialum paidbah, kaba palat san ngut, ha ka jingjngai kaba 2 kilometre sawdong jong ka Motphran bad ka them Metor. La khang ruh ban bat ia ki kali kiba iaid ha katei ka thain bad ban rah ia ki tiar pyn mynsaw sha ka thain Motphran bad Harijan Colony.
Katei ka hukum, ka dei kaba la pynmih mynta ka sngi, ka 31tarik Jymmang 2019, ha kaba la thoh ruh ba ka jingjurip, ka la bteng la shisnem kynthih, naduh ba ka don ka jing ia kynad ha ki bynta jong ka Motphran bad ka Them Metor, ong shuh shuh ka khubor.
Ki nongtrei ka Shillong Municipal Board, kiba dang leit jurip ia ka Them Metor.
Kiwei pat ki lad khubor, ki iathuh ba kat haduh kane ka por, ka jingleit jurip jong ki nongtrei Municipal, ka la sdang bad ka dang iaid shakhmat.
Phi don ban ong eiei?