Pynjari ka Bangladesh, ia ka pakhang shnong ba shi taiew kynthih

Ka sorkar Bangladesh, ka la pyn jari, da ka pakhang shnong, kaba shi taiew kynthih, kaba sdang trei kam naduh ka 5tarik Iaiong 2021, na ka daw jong ka jing nang kiew stet ka khlam corona ha katei ka Ri.

U myntri ka kit ka bah ka sorkar Bangladesh, U Obaidul Quader, ula pyntip paidbah, lyngba ka jing iakren bad ki kotkhubor mynta ka sngi ha Dhaka.

U myntri khynnah, ba dei peit ia ka Public Administration, U Farhad Hossain, u iathuh ba yn sa pynmih shen ia ki kyndon, na ka bynta kito ki ban pyllait noh, na ka jing pakhang shnong. La iathuh ba ki karkhana, kin trei kam beit, tangba ki dei ban bud ia ki kyndon.

Ka pakhang shnong, kaba nyngkong, la pynjari ha ka 26tarik Lber 2020 bad nangta la khang ruh ia ki jaka pule, naduh ka 17tarik Lber 2020 bad hadien kata, la plie ia ki ophis, ia ki kali bad ki kad liengsuin, naduh ka 31tarik Jymmang 2020, hadien ka khang shnong, kaba ar bnai kynthih.

Ki don 6,830 ngut kiba ioh pang covid thymmai, ha ka sngi thohdieng ha Bangladesh bad baroh kiba ioh pang, ki la poi sha ka 624,594 ngut bad kiba iap, ki long 50ngut ha ki 24 kynta ba ladep bad baroh kiba iap, ki la poi sha ka 9,155ngut.