Pynjari 144 CrPC u SDM Sohra

Shillong,27 Iaiong:
U Sub Divisional Magistrate, Sohra Civil Sub Division, Sohra u la pynjari da ka 144CrPC kaba khang pyrshah ia ki trok ban iaid na Sohra sha Shillong naduh ka por 6 baje mynstep haduh ka por 6 baje mynmiet. Ia katei ka hukum la pynmih hadien ba la ioh jingtip ba ki trok k ba kit mawshun na ki thain Sohra ban leit buh sha ki karkhana dewbilat ha Umiam bad Ri-Bhoi ki kit palat ia ka 9 ton. Katei ka hukum kan treikam hynriew tad haduh ban da ban pynmih da kawei pat ka jingpynbna.
Namar katei ka hukum kaba baroh ki trok ki shah bat naphang mynta ka sngi ha Sohra, u MLA ka Sohra u bah Titos W Chyne u la ong ba u la ia kren bad u SDO ba u dei ban pyllait ia ki trok MCCL namarba ka ktah ia ka kamai kajih ha Sohra bad hadien ba la ia kren u la ong ba u SDO u mynjur ban pynmih noh da kawei pat ka hukum ban pyllait ia ki trok MCCL.