Pynjah ka GSI, ia 12 tylli ki jaka, na ka map jong ka Meghalaya

Shillong: 12 tylli ki jaka kiba don ha khappud jong ka Meghalaya bad ka Assam, kim don shuh mynta ha ka map thymmai jong ka Meghalaya bad ka tnat Geological Survey of India, ka la weng noh la 11 snem mynta.

Ka map kaba rim jong ka Meghalaya, ka dei kaba naduh u snem 1971 bad ha katei ka map, ki don 12 tylli ki jaka kiba hap ha u pud u sam jong ka Jylla, hynrei ha u snem 2009, ka Geological Survey of India, ka pynjah ia kitei ki 12 tylli ki jaka bad ka la thaw da ka map thymmai.

U bah PK Pangniang, MLA barim jong ka thain u iathuh ba kitei ki jaka, kiba la weng noh na ka kam jong ka Meghalaya, da katei ka tnat Geological Survey of India (GSI) ki kynthup ia ka Gizang Reserve Forest, ka Hahim kaba hap hapoh ka Jyrngam Sirdarship, ka Upper Tarabari, ka Langpih, ka Borduar, BokLapara,Nongwah-Mawtamur, Khanapara-Pillangkata, Deshdemoreah, Block I, Block II, Khanduli-Psiar bad ka Ratacherra.