Pynitynnad ia ka surok suin ha Lad Umroi

Shillong,  07 Risaw:
Ka surok suin ne flyover ha surok bah ha Lad Umroi ka Ri-Bhoi district ka la long kum kawei na ki jaka ba itynnad ia ki paidbah nongiaid lynti, khamtam kito ki bym ju kham leit jingleit shabar ka jylla ban iohi ia kum kane ka jingkieng surok suin.
Bun ki briew ba iaid lyngba kane ka surok ki la sngew pher ban iohi  namar ba kum kane ka surok ym ju kham iohi koit ha kane ka jylla rilum.
Ia kane ka surok suin la shna kaba dei shi bynta na ka surok ba ngiam saw kali ne ka 4 Lane kaba la pyn aram bad pynsngew tynnad ia ki nongniah bad ki nongshong ha kane ka surok kaba jlih.Kane ka surok suin ka don na lad Umiam sha Shillong bad kawei pat sha   Shillong Bypass.
Bun ki briew ba iaid kai ki sngew tynnad ban ieng kai shwa ha kane ka jaka ban peitkai bad bam lyer pynngad na ka jingdon ka pung Umiam kaba wanrah ia ka jingbeh lyer hir hir.
Ha khrum kane ka surok suin, don saw lad, ar tylli ka lad ban leit na Shillong sha Guwahati bad ar tylli kaba leit shaphang ka bypass.