Ki saiantis, ki la lah ban pynmih biang ia ki dieng tlai, kiba dei ki dieng kiba remdor bad uba kongsan bha ha ka por jong U Syiem Herod bad kiba la mih bha ha ka por jong ka 1 BC.
La lap ia kitei ki symbai dieng na ka dulan ba u shong u sah U Syiem Herod mynshwa bad na ki krem kiba don ha sawdong jong ka iing Syiem bad ia kitei ki symbai, la sumar bha ia ki, la pdem bad ai dawai ba kin khie lung biang bad hadien ka jingsumar kaba la kham slem, mynta ki saiantis, ki la lah ban pynlong biang kum ki dieng tlai ba paka.
Kitei ki dieng tlai, la iathuh ba ki dei kiba la ju pyndonkam kum ki jingai sngewbha ha ka sngi kha jong u patsha Rome bad kumjuh ha kiwei kiwei ki jing rakhe kiba kongsan ha katei ka snem ba nyngkong shwa U Khrist.
Kitei ki symbai dieng, kiba ka rta jongki, ka long la 2000 snem, la lap na ka Ri Judea bad kaba don hajan ka nongbah Jerusalem, ong shuh ka khubor bad kitei ki dieng, ki la jah noh ha ka spah snem ba 19 bad ki la don sa tang ki symbai bad kitei ruh ki dei ha ki katto katne eh ki jaka.
Phi don ban ong eiei?