Pynieng kyrtong sa ka BJP ha Shillong

Shillong,18 Lber:
Ka Bharatiya Janata Party (BJP) mynta ka sngi ka la pynbna ia u kyrtong jong ka na ka bynta ban ia ia khun ha kane ka elekshon MP Lok Sabha 2014 na Shillong Parliamentary Seat. Ka BJP ka la pynbna ia u bah Shibun Lyngdoh kum u kyrtong . Kham ha shuwa ka la don ka jingkhmih lynti ba ka BJP kan kyrshan ia u bah Paul Lyngdoh u kyrtong ka UDP bad ban ai ka jingiatreilang ban pynliem ia ka seng Congress, bad katei ka juh ka sur la ioh sngew na ki seng riew lum, hynrei ar tylli ki seng riewlum ka HSPDP bad ka KHNAM kiba la thmu ban ia treilang bad ka UDP ha kane ka elekshon MP ki la phai dien noh ban kyrshan ia u Pastor Basaiawmoit , u kyrtong ka Common People Front, CPF kum u kyrtong shsimet, bad mynta pat sa ka BJP ka la pynbna ia la u jong u kyrtong. Kumba long haduh mynta ki don haduh 7 ngut ki kyrtong ba la paw na ka bynta ban ia khun ha kane ka elekshon , ki kynthup ia u Ma Vincent Pala ka Congress, u bah Paul Lyngdoh ka UDP, Pastor PBM Basaiawmoit, u bah Armeringtone Kharshiing ka AAP, u bah Shibun Lyngdoh ka BJP, u bah Denis Shiangshai, Ind bad u bah Dympep ka CPI.