U Mithun Chakraborty, u aktor ba pawnam ka phlim hindi, uba na West Bengal, ula pyn iasoh ialade mynta ka sngi, sha ka seng BJP, ha shwa ka jing ialang bah, ban pynlong da ka seng BJP, ha Brigade Parade Ground ha Kolkata.
U Mithun, u leit pyn iasoh ialade sha ka seng BJP, ha shwa jong ka elekshon ha West Bengal, ka ban sdang, naduh ka 27tarik Lber.
U Chakraborty, haba kren, ula ong “Ka la urlong ka jingphohsniew jongnga mynta ka sngi. Nga dei uba wan na ka shnong rit, kba don ha North Kolkata, kaba la tip kum ka Jorabagan, nga ju phohsniew ban long u briew, uba pawnam, hynrei ngam ju mudur, ba ngan ioh ban ia don lang ha kajuh ka ka rynsan, ha kaba ki don ki nongialam jong ka Ri, kynthup ia U Narendra Modi, myntri rangbahduh”.
U Chakraborty, ula long u dkhot ka dorbar Rajya Sabha, ha kaba la jied da ka seng Trinamool Congress, hynrei, ula iehnoh ia katei ka jinglong dkhot jongu, hadien ba ka la paw ka kyrteng jongu, ha ka jing bamsap, ha ka jing ia pynlang pisa jong ka Sharada.
Ha ka jingkren jongu, U Mithun, ula ong shuh “Nga dei u seiniong paka bad nga tang shu puh shisien puh, kumta phi la iap syndon”.
Phi don ban ong eiei?