Pyniasoh U Ma Piwel Shylla sha ka party Congress

Shillong: U Ma Piwell Shylla u ba na ka shnong Moolang, East Jaintia Hills District uba dei uwei na ki candidate MDC-2019 na 22-Musniang Rangad MDC constituency ula pyniasoh ia lade bad ka party Congress mynta ka sngi ha ka ophis trei kam jong ka party Congress Bhavan, Shillong.
Hakane ka sngi pdiang sngewbha ia u ma Piwel Shylla la pyniaid ia ka jingialang da u President Ka Khliehriat Block Congress Committe U Ma Deibormi Syad. la ioh ruh ka ka jingkren lyngkot na u President ka East Jaintia Hills District Congress Committee bad U MLA ka 5 Sutnga-Saipung Constituency U Ma Shitlang pale.
ka jingkren pdiang dkhot ia u ma Piwel Shylla sha ka party da ka Kong Ampareen Lyngdoh (MLA). Ha kane ka sngi la don lang u Working President ka MPCC Shri.Jame Lyngdoh bad I General Secretary ka MPCC u W. Kyndiah.
Hakane ka sngi u Ma Piwel Shylla u la ong ba ka jingpyniasoh ka jong u sha ka party Congress ka long namar ba u iohi ia ki nuksa ba bha jong u Mahatma Gandhi ha ki kam ba u shakri ia ki paidbah.
u la ong ruh ba kane ka sorkar ba mynta ka long kaba tlot bad kam lah ban synshar bha ha baroh ki liang. Ha ka jingiadei bad u dewiong kane ka sorkar ka thok ia ki paidbah da kaba kular ha ka por elekshon ba un pynlait ia u dewiong hapoh 3 bnai lada wan ha ka bor, hynrei haduh mynta kane ka sorkar kam thaw ia ka mining policy khnang ban ioh ban plie biang ia ka trei dewiong.
Ula kynnoh ruh ia ka jingtlot jong ka JHADC ha ka kam pisa tyngka hapoh ka jingialam jong ka NPP bad haduh mynta kam don ka plan kaba biang ban pynkiew ia council bad ia ki paidbah jongngi.
Ula wer bad khot lang ruh ia ki paidbah ban rung sha ka seng Congress namar tang hapoh ka jingsynshar jong ka congress ka Ri kan long kaba shongsuk shongsaiñ bad kaba tip ia kup shilliang sem shilliang.
U la ong ba u kyrmen ba ha u snem 2023 te ka congress kan wan biang ha ka bor, bad kyrmen ba kan jop lut ha baroh ki konstiwensi ha jaiñtia hills.
Da kaba nga don ha ka congress te ngan lah ban shakri kham bha ia ki paidbah khamtam ia ka thaiñ East jaiñtia hills kaba dang duna ha baroh ki liang ha ka roi ka par.