Pyniasoh U Headmaster ka Lai Shnong Secondary, Mawlangsu sha ka HNLC

Shillong, 25 Nailar:
Mynta sa u babu, ula pynbna, ba un leit ia soh noh bad ka seng kaikhlaw ka Hynniewtrep National Liberation Council (HNLC).
Haba phah jingtip da ka email mynta ka sngi, utei u rangbah, ula pyntip, ba ula rai ban leit pyniasoh ialade bad ka HNLC, hynrei, namar ba um shym la thoh kyrteng satia bad kumta, haba la kylli da ka email, ia ka kyrteng jongu, ula jubab “Romwell Mawdoh, na Laitkseh WKHD, bad nga dei u headmaster jong ka Laishnong Secondary School, Mawlangsu WKHD”.
U babu Romwell Mawdoh, uba dei ruh U Headmaster, ha ka jing pynmih khubor mynta ka sngi, ula iathuh ba u kwah ban pyntip paitbah ba u la pyniasoh ialade bad ka HNLC da la ka jong ka mon sngewbha.
“Kum uwei na pdeng ki nonghikai ha kine ki khyndiat snem ynda haba nga la bishar sani bha ia ka rukom treikam ka bad ka nong rim ka HNLC ka pynktik ia ka mynsiem bad pyn pyrkhat khamtam hadien ba u Samla Freddrick Kharmawphlang u la pyn iasoh ialade bad kane ka seng. Namarkata nga shim ia kane ka lad kum kawei na ki bynta ba ngan nang lah shuh shuh ban noh synniang ym tang ha ka ban noh synniang ia ka jingpule ha nongkyndong, hynrei ban pyllait ruh ia ka jaitbynriew na kita ki jinghikai ki jingpule kiba ialam bakla, pynthame ia ka rukom pyrkhat jong ngi ki Trai Ri Trai muluk khamtam eh ki nonghikai kiba long pyrshah ia ka history, ka ioh ka kot, ka kolshor bad geography ha ka Ri u hynniewtrep hynniew skum. Nga shim ia kane ka kabu ba lyngba ka jingpyniasoh jong nga sha ka HNLC kan ai ka khubor ba bha sha phi ki khun samla ka Ri bad nga ngeit kane hi kan pynkylla bad saindur thymmai ia ka rukom pyrkhat” pynkut katei ka khubor lyngkot na utei u nonghikai.