Nongpoh: Ban nangpynkhlain ia ka rukom treikam jong ka seng, hynnin ka sngi Saitjain na ka liang ka Hynniewtrep Youth Front (HYC), ka la nangpyniar ia ka shnat treikam jong ka seng da kaba pynkha ia ka Umden Circle ha Ri Bhoi.
Ha kaba thaw ia katei ka Umden Circle, la sakhi da ka jingdonlang u samla Rhembor Galmen Saibon, Vice-President ka HYC, Sengkmie, u Bha Hercules Suting, Secretary ka HYC ha Ri Bhoi, u Bah Jayson Lennox Nongrum, Vice-President ka HYC ha Ri Bhoi, u samla Mission Tron, President ka Ri Bhoi Youth Council (RBYC) sengkmie lem bad kiwei kiwei.
Ha katei ka sngi kaba la ioh ban pynkha ia katei ka shnat treikam ba thymmai ka HYC Umden Circle, la ioh ruh ban pynskhem ia ki nongkitkam ka HYC Umden Circle bad ki nongkitkam ki kynthup ia u Samla Risbun Sten, kum u President, u Donbok Maiong kum u Vice-President, u Plas Shadap kum u General secretary lem bad kiwei ki.
Ia kitei ki nongkitkam ba thymmai jong katei ka HYC Umden Circle, la pyntian smai da u samla Rhembor Saibon.