Pyniap u tnga ia la ka tnga

Shillong, 19 Rymphang:
U Sengdilberth Ma rak u la pyniap ia la ka jong ka tnga ka Annoritha Arengh, katei ka jingjia ka la jia ha ka sngi nyngkong ha ka shnong Chibongga kaba don ha North Garo hills district. Ka tyllong khubor ka la iathuh ba u Marak u la pyniap ia la ka jong ka lok da ka jingiarap ki ar ngut ki paralok jong u kiba la tip kyrteng kum u Skolline Arengh bad Allina Arengh. La iathuh ba haduh mynta ym pat shym la ioh kem ia kitei ki lain gut kiba la phet rieh hadien ba ki la leh ia katei ka kam.
Hadien ba la ioh ka jingujor na u kpa jong katei ka longkmie u Preenithson Sangma uba la ujor sha ki pulit ka Kharkutta police out post, ki pulit ki dang khynra bad kthong ban ioh kem ia ki.